CALL-орталығы
79-99-62

Денсаулық ережелері

10.07.2019

 

  1. Дұрыс тамақтаныңыз:

— артық тамақ ішпеңіз, ұйықтар алдында 3-4 сағат бұрын тамақтаныңыз;

— май және тәтті өнімдерді, сондай-ақ жоғары сұрыпты ұннан жасалған өнімдерді және ашытқы қамырын тұтынуды азайтыңыз;

— тұзды үстелден алып тастаңыз,тағамдарға тұзды азырақ салыңыз;

— аптасына 2-3 рет сіздің мәзіріңізде балық болуы керек;

— күн сайын 400-500 грамм жеміс-жидек, көкөніс жеңіз;

— майсыз ет сұрыптарын таңдаңыз (тауық, күрке тауық);

— мәзіріңізге бұршақ, жаңғақ, саңырауқұлақ қосыңыз;

— су тамаққа қарағанда маңызды екенін есте сақтаңыз. Егер сіз жүрек немесе бүйрек жетіспеушілігінен зардап шексеңіз, онда тәулігіне 1,5 литр таза су қажет!

— тағамды дұрыс дайындаңыз – суға пісіріңіз, бұқтырыңыз. Қуырылған, қақталған,маринадталған тағамнан бас тартыңыз.

  1. Көбірек қозғалыңыз.

Қозғалыс-денсаулықтың маңызды құрамдас бөлігі. Есіңізде болсын, тек бір сағаттай жаяу жүру сіздің өміріңізді ұзартады! Күн тәртібіне күнделікті жеңіл жаттығуды қосыңыз, ал бимен, жүзумен, скандинавтық жүрумен аптасына 2-3 рет айналысу сіздің денсаулық әлеуетін арттырады. Ең бастысы-мұны үнемі жасау.

  1. Темекі шегуден және ішімдіктен бас тартыңыз.

Темекі мен алкоголь көптеген аурулардың (жүрек-қан тамырлары, онкология, тыныс алу органдарының аурулары және т.б.) дамуына әкелуі мүмкін. Есіңізде болсын, темекі шегуден бас тарту инсульт пен инфаркт тәуекелін 30% — ға төмендетеді.

  1. Жеке гигиена ережелерін сақтаңыздар.

Қолдың тазалығы, күнделікті гигиеналық душ сіздің денсаулығыңызға жағымды әсер етеді. Монша сияқты процедуралар сақтықты талап етеді: температура режимі — 60 — 70 градустан аспау керек. Салқын сумен контрастты жуыну сіздің иммунитетіңізді нығайтады және жастықты сақтайды.

  1. Уақытында ұйықтаңыз.

Толық ұйқы барлық мүшелер мен жүйелерді қалпына келтіруге мүмкіндік береді және келесі күні күш береді. Ең тиімді ұйқы 22.00 ден 1.00-ге дейін. Сондықтан, ұйқыдан бір сағат бұрын теледидарды өшіріңіз, тыныштықта өткізіңіз, түймедақпен немесе бал қосылған  мелиспен шай ішіңіз,жатын бөлмені желдетіңіз. Түскі астан кейін де,бірақ сағат 16.00-ден кешіктірмей,демалуға өте пайдалы,.

  1. Аз уайымдаңыз.

Стресстербіздің өмірімізде бар. Орын алатын барлық оқиғаларды ақиқат ретінде қабылдаңыз. Жаман туралы ойламаңыз, теріс жағдайды жақсы жаққа өзгерту үшін өз ойыңызды бағыттаңыз.

Сүйікті іспен айналысу стрессті жеңуге көмектеседі, сондықтан өзіңіздің жан-тәніңізгесай іс (тоқу, сурет салу, ән айту, тігу) табыңыз.

  1. Адамдармен араласыңыз және жаңа нәрсеге үйреніңіз.

Зейнетақы жасы өзіңіздің шығармашылық әлеуетін ашуға ғана емес, сонымен қатар, өзінің өмірлік тәжірибесімен және шеберлігімен басқалармен бөлісуге тамаша себеп.

  1. Өз денсаулығыңызды қадағалаңыз.

Жыл сайын профилактикалық медициналық тексеруден өтіңіз. Міндетті түрде флюорография, ЭКГ жасау керек, қан мен зәрдің, глюкоза мен холестеринге қанның жалпы талдауын тапсыру керек,сондай-ақ гинекологтың (әйелдер үшін) және урологтың (ерлер үшін) тексеруден өтуі керек. Жасына сәйкес скринингтік тексеруден өту.

  1. Созылмалы ауруларға байланысты дәрі — дәрмектік терапияны сақтау-ұзақ өмір сүрудің өте маңызды факторы. Дер кезінде қабылданған дәрі созылмалы аурулардың асқыну қаупін төмендетуге және өмір сүру сапасын жақсартуға мүмкіндік береді.
  2. Өмірге шаттаныңыз.

Ұзақ өмір сүріңіз және сау болыңыз!

СӨС координатор Кудабаева А.Б.






[yop_poll id="2"]
  • umc-k umc-k
  • Global Conference On Primary Health Care Global Conference On Primary Health Care Global Conference On Primary Health Care

Нашар көретіндерге арналған нұсқа
Нашар көретіндерге арналған нұсқа